Bakıda mübahisə qanla bitdi
05:00 09-02-2020 562
Bakıda bıçaqlanma hadisəsi baş verib.
“Report”un məlumatına görə, hadisə Sabunçu rayonunda qeydə alınıb.
Maştağa qəsəbə sakini, 1982-ci il təvəllüdlü Əliyev Oqtay Əminağa oğlu mübahisə etdiyi şəxs tərəfindən bıçaq xəsarətləri alıb. Yaralı yaxınları tərəfindən xəstəxanaya çatdırılıb.
Müayinə zamanı onun qarın və bel nahiyəsində iki ədəd kəsilmiş-deşilmiş yara aşkarlanıb. Yaralı cərrahi əməliyyat edilib.
Faktla bağlı araşdırma aparılır.
