Koronavirusa görə məktəblər bağlanacaq? - VİDEO
00:20 28-02-2020 436
“Bu gün orta məktəblərdə, o cümlədən ali təhsil ocaqlarında hər hansı bir məhdudiyyət tətbiq etməyə ehtiyac yoxdur”.
Bunu “Real TV”yə müsahibəsində TƏBİB-in İdarə Heyətinin sədri Ramin Bayramlı deyib.
R.Bayramlı bildirib ki, indiki durumda hər hansı təşvişə gərək yoxdur:
“Universitetlərimiz bir məsələyə xüsusi diqqət yetirməlidirlər. Bəzi tələbələr var ki, onlar riskli bölgələrdə yaşayırlar. Onlar da, onların tələbə yoldaşları da diqqətli olsunlar. Belə bir fakt görən kimi, bizim müəsissələrə müraciət etsinlər. Orta məktəblərdə isə şəxsi gigiyena qaydalarına riayət edilməsindən başqa, xüsusi tədbir görməyə ehtiyac yoxdur. Əgər görsək, rəsmi olaraq müraciət edəcəyik”.
