Britaniyada oğru cinayət törətdiyi yerdə yatıb qalıb
07:00 25-03-2020 351
Britaniyanın Lent qraflığında yerləşən Kenterberi şəhərində oğru cinayət törətdiyi dükanda yatıb qalıb.
“Daily Star” xəbər verir ki, yerli sakin dükanlardan birinin qapısının qırıldığını görərək bu haqda polisə müraciət edib.
Hadisə yerinə gələn polis əməkdaşları dükanda yatan 26 yaşlı Uilyam Uilletti aşkar ediblər.
Onun yanında bıçaq və oğurlanmış mallarla dolu torba olub. Binanın çölündə daha bir torba tapılıb.
Polis torbada şəhərin müxtəlif yerlərində avtomobillərdən oğurlanmış əşyalar aşkar edib.
Cinayətini etiraf edən U.Uillett iki il dörd ay müddətinə həbs cəzasına məhkum edilib.
