Təxliyyə olunanlar karantindən imtina edib, hava limanından qaçmağa çalışdılar

14:20 30-03-2020 322

Martın 29-da Vyetnamdan Kiyevin Borispol hava limanına təxliyyə edilən ukraynalılar karantindən imtina edərək, terminaldan qaçmağa çalışıblar.

Bu barədə UNİAN xəbər yayıb.

Ölkəyə gələn ukraynalılar 14 günlük tibbi nəzarət üçün öhdəlik imzalamayaraq, uçuşdan əvvəl karantin barədə onlara xəbərdarlıq olunmadığını iddia ediblər.

Bundan sonra onlar qapını döyərək, növbəsiz keçməyə və qaydanı pozmağa çalışıbar.

“Onları xüsusi avtobuslarla çıxarmaq planlaşdırılmışdı. Ancaq bundan imtina etdilər, çünki çoxlarını qohumları qarşılayırdı və hava limanını özləri tərk etdilər. Müşahidə edilməkdən imtina etdikləri barədə məlumat yoxdur. Hamısı özünütəcrid üçün müvafiq sənədləri imzaladılar”, - deyə Kiyev vilayət polisinin mətbuat katibi bildirib.