Bildiyimiz kimi Azərbaycan dünyada şahamat ölkəsi kimi tanınan və beynəlxalq şahmat yarışlarında hər zaman qızıl, gümüş və bürüc medallarla şahmaçılarımız ölkəmizə qayıdıblar. Bir müddət Azərbaycan uşaq şahmatı dünya üzrə 1-ci yerdə olub.

Prezident İlham Əliyevin imzaladığı fərman var idi, Azərbaycanda şahmatın inkişaf etdirilməsinə dair. O fərman həyata necə keçirildi? Heç nə, şahmat məktəblərinin 50 faizi ixtisar edildi. Azərbaycan şahmat məktəbləri ləğv edilib idman məktəbləri ilə birləşdirildi.

Bizimkilər hər yaşda medal gətirirdi. Amma indi ölkəmizdə uşaq şahmatı tənəzzülə uğrayıb.

Təəssüf ki, hazırda ölkəmiz şahmatı ilə tanınsa da, bu idman növündə ciddi çatışmazlıqlar, çoxşaxəli problemlər var. 

Azərbaycan şahmatında problemlər həddən artıq çoxdu. Məsələn, qərar qəbul olunub ki, şahmat orta məktəblərdə dərslik kimi tədris olunsun. Heç bu qərarla maraqlanan varmı? Necə oldu bu qərarın axırı, icra edildimi? Bir çox məktəblər var, yalandan şahmatın adı hallandırılır, maaş da ayırırlar, amma məktəbə gələn şagirdlərin məktəbdəki şahmatdan xəbəri yoxdu.

Şahmatın orta məktəblərdə keçirilməsinə səbəb belə bir şeydir: şahmat yeganə sahədir ki, sən orda necə düşünürsənsə, elə də davranırsan. Yəni öyrəndiyini əməldə də tətbiq edirsən. Bu cəmiyyətimiz üçün xeyirli bir işdi.

Dövlət bu proqrama çox pul xərclədi. Nə qədər o məktəblərə şahmat, şahmat saatları, texniki vəsaitlər verildi. Hanı o məktəblərdə tədris olunan şahmat?

İndi söz açacağımız şahmat məktəblərindən biri də, 1982-ci ildə yaradılan İmişli rayonu Uşaq-Gənclər İdman-Şahmat Məktəbi ilə bağlı olacaq.

Hazırda İmişli rayonu Uşaq-Gənclər İdman-Şahmat Məktəbində 420 nəfər şagird təhsil aldığı bildirilir. Əvvələr İmişli rayonu Uşaq-Gənclər Şahmat Məktəbi kimi fəaliyyət göstərsədə, son bir neçə il olar ki, İdman məktəbi ilə birləşib. İmişli İdman məktəbində 180 şagird, İmişli Şahmat Məktəbində isə 240 şagird təhsil alıb.

İmişli İdman məktəbinin bazası olmadığından birləşdirildiyi deyilir. İmişli rayonu Uşaq-Gənclər İdman-Şahmat Məktəbində idman dərsləri bazası olmadığından ancaq rayon məktəblərinin idman meydançalarında görüntü xətrinə guya müvvəqəti dərslər keçirilib.

Onu da bildirək ki, İmişli rayonu Uşaq-Gənclər İdman-Şahmat Məktəbində son 5 ildə 5 məktəb direktoru dəyişdirilibdir.
Belə ki, İmişli rayonu Uşaq-Gənclər İdman-Şahmat Məktəbinə 2015-ci ilin aprel ayına kimi Elşən Cəfərov rəhbərlik edib. 

2015-ci ilin aprel ayından 2017-ci ilin avqust ayına kimi İmişli rayonu Uşaq-Gənclər İdman-Şahmat Məktəbində Cavadov Ağalar direktor olub.

2017-ci ilin sentyabr ayından 2019-cu ilin sentyabr ayına kimi İmişli rayonu Uşaq-Gənclər İdman-Şahmat Məktəbinə Qasımov Ramiz direktor olub.

2019-cu ilin sentyabr ayından 2020-ci ilin iyun ayının 15-nə kimi Cəfərov Elşən İmişli rayonu Uşaq-Gənclər İdman-Şahmat Məktəbində direktor işləyib.

Hazırda bu ilin, yəni 2020-ci ilin iyun ayının 15-dən isə İmişli rayonu Uşaq-Gənclər İdman-Şahmat Məktəbinin yeni direktoru Mürsəlov Aqşin təyin edilib.

Mürsəlov Aqşin adlı şəxsin İmişli rayonu Uşaq-Gənclər İdman-Şahmat Məktəbin yeni direktoru təyin edilməsində maraqlı məqamlar aşkarlanıb.

Belə ki, Mürsəlov Aqşin İmişli rayonu Uşaq-Gənclər İdman-Şahmat Məktəbin direktoru təyin edilən zaman həmdə Şirvan şəhərində "Bank of Baku"nun filalında rəsmi işçi kimi işləyib.

Digər tərəfdən Mürsəlov Aqşin Şirvan şəhərində "Bank of Baku"nun filalında işləyə-işləyə İmişlinin Qaragüvəndikli kənd məktəbində idman müəllimi işləyib.

Bununla bağlı İmişlinin Qaragüvəndikli kənd məktəbindəndə apardığımız araşdırma nəticəsində məlum olub ki, əslində Aqşin Mürsəlov sadəcə müəllim kimi məktəbdə adı gedib. Çünki, İmişlinin Qaragüvəndikli kənd məktəbində oxuyan orta məktəb şagirdələrinin dediyinə görə, heç biri Aqşin Mürsəlov adlı müəllim tanımayıblar.

Digər maraqlı məqan isə odur ki, yalnız İmişlinin Qaragüvəndikli kənd məktəbinin direktoru xanım Dilarə Əzizova təsdiqlədi ki, Aqşin Mürsəlov bu məktəbdə müəllim işləyir.

Bu cür halların qanun pozuntusu olduğu halda necə olur ki, həftədə 5 günlük Şirvan şəhərində "Bank of Baku" filialında işləyən Aqşin Mürsəlov müəllim kimi İmişli rayonu Uşaq-Gənclər İdman-Şahmat Məktəbin direktoru təyin olması üçün Təhsil Nazirliyinə təqdimat verilib.

Şirvan şəhərində "Bank of Baku" filialında işləyən Aqşin Mürsəlov həm də, həftədə 5 gün İmişlinin Qaragüvəndikli kənd məktəbində idman müəllimi kimi işləməsi bizdə çox təəccüb doğurur.

Bununla bağlı İmişli rayon Təhsil şöbəsinin müdiri Ələmdar Quliyev ilə əlaqə saxladıq. İmişli rayon Təhsil şöbəsinin müdiri Ələmdar Quliyev əməkdaşımıza bildirib ki, Aqşin Mürsəlovun nə Qaragüvəndikli kənd məktəbində müəllim işləməsindən, nə də İmişli rayonu Uşaq-Gənclər İdman-Şahmat Məktəbin direktoru təyin olmasından xəbəri yoxdur.

Aparadığımız araşdırma nəticəsində məlum oldu ki, Aqşin Mürsəlovun İmişli rayonu Uşaq-Gənclər İdman-Şahmat Məktəbin direktoru təyin olmasında rayon təhsil şöbəsinin müdiri Ələmdar Quliyevin müavini Vahid Tağıyevin "böyük əməyi" olub. 

Belə ki, İmişli rayon təhsil şöbəsinin müdiri Ələmdar Quliyevin müavini Vahid Tağıyev Aqşin Mürsəlov haqda Təhsil Nazirliyinə yalan təqdimat göndərərək, onu İmişli rayonu Uşaq-Gənclər İdman-Şahmat Məktəbin direktoru qoydurub.

Aqşin Mürsəlovun necə İmişli rayonu Uşaq-Gənclər İdman-Şahmat Məktəbin direktoru təyin olunması ilə bağlı Təhsil Nazirliyinə, İmişli rayon icra hakimiyyətinə və İmişli Təhsil şöbəsinin müdirinə bir neçə sualımızla bağlı sorğu ünvanlayırıq:

1. Aqşin Mürsəlov İmişlinin Qaragüvəndikli kənd məktəbində nə vaxtdan müəllim işləyir və mümkünsə onun müəllim işlədiyi dövrdə şagirdlərə həftədə neçə dərs saatı keçməyi haqda bizə məlumat verəsiniz?
2. Aqşin Mürsəlov İmişlinin Qaragüvəndikli kənd məktəbində  müəllim işləyə işləyə necə olub ki, həm də Şirvan şəhərində "Bank of Baku" filialında işləyib?
3.  Aqşin Mürsəlovun İmişli rayonu Uşaq-Gənclər İdman-Şahmat Məktəbin direktoru təyin olması kimin və ya kimlərin təqdimatı əsasında reallaşıb?

Mövzu ilə bağlı araşdırmamız davam edir.

P.S. Məsələ ilə bağlı Aqşin Mürsəlovla əlaqə saxlamağa çalışsaq da bu mümkün olmadı. Qarşı tərəf kimi adları çəkilən şəxslərində münasibətin ictimailəşdirməyə hazırıq.