“AzerGold” Qapalı Səhmdar Cəmiyyətinin nizamnamə kapitalı artırıldı

21:00 24-11-2020 448

“AzerGold” Qapalı Səhmdar Cəmiyyətinin Nizamnaməsinin və strukturunun təsdiq edilməsi barədə” Qərarda dəyişiklik edilib.

Bununla bağlı Nazirlər Kabineti Qərar qəbul edib.

Baş Nazir Əli Əsədovun imzaladığı Qərara əsasən, “AzerGold” Qapalı Səhmdar Cəmiyyətinin (QSC) nizamnamə kapitalı 37 milyon manatdan 62 milyon manata qaldırılıb.

İndiyə qədər “AzerGold” QSC-nin nizamnamə kapitalı nominal dəyəri 18 manat 50 qəpik olan 2 milyon ədəd adi səhmlərdən ibarət olub.

Dəyişikliyə əsasən, artıq nizamnamə kapitalı nominal dəyəri 31 manat olan 2 milyon ədəd adi səhmlərdən ibarət olacaq.