“Real”ın daha bir futbolçusu “Arsenal”da - RƏSMİ
17:20 27-01-2021 414
İngiltərənin “Arsenal” klubu qış transfer pəncərəsi dövründə ilk transferini həyata keçirib.
HerGun.Az klubun rəsmi saytına istinadən xəbər verir ki, London komandasına Madrid “Real”ından norveçli futbolçu Martin Ödeqor transfer edilib.
22 yaşlı hücumameyilli yarımmüdafiəçi cari mövsümün sonunadək icarəyə götürülüb. O, 11 nömrəli formanı geyinəcək.
Qeyd edək ki, Ödeqordan başqa “Arsenal”da “Real”dan digər futbolçu – Dani Sebalyos da oynayır. İspaniyalı futbolçu da London klubunda icarə əsasında çıxış edir.
Səbuhi Musayev
