Ermənistan yenə rüsvay oldu: Azərbaycanın müasir texnikalarla çıxdığı sərgidə onlar buklet nümayiş etdi - FOTO

18:20 22-02-2021 472

Dünyanın ən böyük hərbi-texniki sərgilərindən biri olan İDEX-2021-in açılışına ermənilər bukletlərlə çıxıblar.

HerGun.Az-ın məlumatına görə, bu barədə sərgidə iştirak edən jurnalistlərə istinadən erməni saytları xəbər verib. Bildirilir ki, Azərbaycana məğlub olduqdan sonra Ermənistan öz “döyüş gücünü” bukletlərdə göstərib.

Jurnalistlərin sözlərinə görə, stendin icarəsi üçün dövlət büdcəsindən külli miqdarda vəsait ayrılmasına baxmayaraq, Ermənistanın sərgidə iştirakını təşkil edən Yüksək Texnologiyalar Sənayesi Nazirliyi sərgi nümunələrinin maddi-texniki təminatını hesablamağı və təşkil etməyi bacarmayıb.

Qeyd edək ki, tədbirdə Azərbaycandan nümayəndə heyəti də iştirak edir. Sərgidə Azərbaycan Respublikası Müdafiə Sənayesi Nazirliyinin müəssisələrində yaradılan və istehsal olunan müxtəlif növ atıcı və yaxın məsafəli döyüş vasitələri, atıcı silahlar, minaatanlar, müxtəlif çaplı və təyinatlı döyüş sursatları, “İtiqovan” kamikadze tipli pilotsuz uçuş aparatları və s. daxil olmaqla 106 adda müdafiə təyinatlı məmulat nümayiş olunur.

Azərbaycan böyük müstəvidə sərgilədiyi yeni silah nümunələrinin yanında Ermənistan “hərbi sənayesinin” “müasir döyüş maşınları” barədə bukletləri onların acınacaqlı vəziyyətini əyani şəkildə bir daha nümayiş etdi.