Liviyada müharibə davam edəcək: Həftar Moskvanı barışıqsız tərk etdi
05:00 14-01-2020 432
Liviya Milli Ordusunun komandanı marşal Xəlifə Həftar Milli Barışıq Hökumətinin başçısı Faiz Sərrac arasında Moskvada keçirilən danışıqlar nəticəsiz sona çatıb.
“RİA Novosti” liviyalı mənbələrə istinadən xəbər verir ki, tərəflər arasında saziş imzalanmamış Həftar Moskvanı tərk edib.
Daha əvvəl Rusiyanın xarici işlər naziri Sergey Lavrov tərəflərin qərar qəbul etmək üçün səhərə qədər vaxt istədiklərini bildirib.
Moskvada keçirilən görüş Rusiya və Türkiyə diplomatlarının iştirakı ilə keçirilib. Onun yekununa dair tərəflər arasında Liviyada atəşkəs haqqında saziş imzalanmalı idi.
