Binəqədi və Nəsimi rayonlarında su probleminin səbəbi bəlli oldu - RƏSMİ

12:40 27-03-2020 10

“Bakı Metropoliteni” QSC tərəfindən Binəqədi rayonu ərazisində yeni depo inşa edilir. Deponun tikintisi ilə əlaqədar Binəqədi və Nəsimi rayonlarının bəzi ərazilərində su problemi yaranıb”.

Bu sözləri HerGun.Az-a “Azərsu” ASC-nin Mətbuat Xidmətinin rəhbəri Anar Cəbrayıllı deyib.

“Həmin ərazidən “Azərsu” ASC-nin magistral su xətti keçir. Qurumun apardığı depo tikintisi ilə bağlı biz də magistral su xəttində təmir işləri aparmalı olduq. Bu səbəbdən də ərazidə yaşayan əhaliyə içməli suyun verilməsi dayandırılıb.

Təmir işləri demək olar ki, yekunlaşıb. Ərazilərə suyun verilməsi artıq bərpa olunub. Mövcud vəziyyət Binəqədi və Nəsimi rayonlarının bir hissəsini əhatə edirdi. Bir neçə saat ərzində əhaliyə suyun verilməsi normal qaydada təmin olunacaq”.

Könül Cəfərli