Fransadan İrana ekstradisiya edilən jurnalist edam cəzasına məhkum olundu

05:40 01-07-2020 22

“Amad News” xəbər agentliyinin rəhbəri Ruhulla Zam xarici kəşfiyyatla əməkdaşlıqda və dövlət əleyhinə fəaliyyətdə günahkar bilinərək edam cəzasına məhkum edilib.

TASS xəbər verir ki, bunu İran İslam Respublikası Ali Məhkəməsinin sözçüsü Qulamhüseyn İsmaili bildirib.

Q.İsmaili deyib ki, İran qanunvericiliyinə əsasən, edama məhkum edilən şəxs məhkəmənin hökmündən yuxarı instansiyalara şikayət edə bilər.

Qeyd edək ki, R.Zam İslam İnqilabı Keşikçiləri Korpusunun nümayəndələri tərəfindən tutulub.

O, Fransa, ABŞ və İsrailin xüsusi xidmət orqanları ilə əməkdaşlıqda ittiham olunur. R.Zam Fransada yaşayıb. Onun harada və hansı şəraitdə həbs olunması barədə məlumat verilmir.