Təyyarənin səsinə əsəbiləşən şəxs ona atəş açdı - FOTO

00:20 16-09-2020 339

Rusiyada Moskva vilayətinin Solneçnoqorsk rayonunda əlilliyi olan təqaüdçü təyyarəyə atəş açıb.

Mk.ru xəbər verir ki, özəl aedroma 10 metrlik məsafədə yaşayan 58 yaşlı Viktor adlı şəxs oradan gələn səs-küyə tab gətirməyib.

O, ov tüfəngi ilə yüngül mühərrikli təyyarənin gövdəsindən vurub.

“Payper-28” təyyarəsində 54 yaşlı şəxs həvəskar gəzintiyə çıxıbmış.

Təyyarəyə dəyən güllələr onun uçmasına mane olub və hava gəmisi təcili eniş edib.

Hadisəni törədən Viktor qaçmağı ağlına gətirmədən, tərəddüdsüz həmin əraziyə çağırılan polis maşınına əyləşib. Onu bir sutka həbs ediblər. “Xuliqanlıq” maddəsi ilə cinayət işinin başladılması məsələsinə baxılır.

Oğlunun dediyinə görə, onun silahının sənədi olub və sakitlik üçün belə hərəkət edib.

Yerli camaat çoxdan ərazidə yerləşən Şüvlino aerodromundan şikayətçidirlər.

İnsanlar təyyarələrin fövqəladə vəziyyət yaranaraq evlərinə düşəcəyindən narahat olurlar.

2018-ci ildə özəl aerodromun fəaliyyəti qadağan edilsə də, hava limanı bu günə qədər fəaliyyət göstərir. Anqarlarda ən azı 50 təyyarə var. Atışmadan sonra da aerodrom bağlanmayıb - təyyarələr eyni rejimdə havaya qalxmağa davam edirlər.