“Semaşko”nun baş həkimi vəzifəsindən azad edildi - YENİ TƏYİNAT

15:20 28-04-2021 388

1 saylı Tibbi Klinik Mərkəzin (Semaşko) direktoru İlham Qafarov vəzifəsindən azad edilib. 

Bu barədə HerGun.Az-ın sorğusuna cavab olaraq TƏBİB-dən məlumat verilib. 

Bildirilib ki, Tibbi Ərazi Bölmələrini İdarəetmə Birliyi (TƏBİB) İdarə Heyətinin sədri Ramin Bayramlı bu barədə müvafiq əmr imzalayıb. 

Əmrə əsasən, 1 saylı Tibbi Klinik Mərkəzə Mingəçevir Şəhər Mərkəzi xəstəxanası publik hüquqi şəxsin direktoru Könül Ələkbərov təyin olunub.

İ.Qafarov isə 1 saylı Tibbi Klinik Mərkəzin direktor müavini vəzifəsinə təyin edilib.

Qeyd edək ki, K.Ələkbərov bir neçə gün öncə Mingəçevir şəhər Mərkəzi Xəstəxanasının direktoru vəzifəsindən azad edilib.