Tacikistan hərbçiləri Qırğızıstan ərazisinə hücum cəhdi edib
20:40 29-04-2021 338
Tacikistan hərbçiləri Qırğızıstanın Batken vilayətinin eyniadlı rayonunun Qızıl Bel kəndi istiqamətində ölkə ərazisinə hücum etməyə cəhd göstəriblər.
Bu barədə TASS Qırğızıstan sərhəd xidmətindəki mənbəyə istinadən məlumat yayıb.
Bildirilib ki, Qırğızıstan və Tacikistan sərhədçiləri arasında baş vermiş toqquşmalarda təkcə Qırğızıstan tərəfdən 2 nəfər ölüb, 26 nəfərsə yaralanıb.
Bu arada Qırğızıstan parlamentinin sədri Talant Mamıtov Tacikistana cavab vermək üçün kifayət qədər hərbi gücə malik olduqlarını bəyan edərək qarşı tərəfə xəbərdarlıq edib.
Ölkənin xarici işlər işlər naziri Rulan Kazakbayev isə tacikistanlı həmkarı Siracəddin Muhriddin ilə danışıqlara başladığını bildirib. Danışıqların məkanı açıqlanmayıb.
