Rus Pravoslav Kilsəsinin Bakı və Azərbaycan Yeparxiyasının arxiyepiskopu vəfat edib

22:00 10-06-2021 366

Bu gün uzun sürən xəstəlikdən sonra Rus Pravoslav Kilsəsinin Bakı və Azərbaycan Yeparxiyasının arxiyepiskopu Aleksandr İşein 69 yaşında vəfat edib.

Bu barədə Bakı və Azərbaycan Yeparxiyasının mətbuat katibliyindən bildirilib.

Qeyd edək ki, arxiyepiskop Aleksandr 13 iyun 1952-ci ildə Rusiya Federasiyasının Yaroslavl şəhərində doğulub. O, Moskva Teoloji Akademiyasını bitirib və 1988-ci ildə arximandrit səviyyəsinə yüksəlib. Aleksandr İşein 28 dekabr 1998-ci ildə Bakı yeparxiyasının yepiskopluğuna təyin olunub. 18 iyul 2012-ci ildə isə arxiyepiskop dini dərəcəsinə yüksəlib.

Mərhum 27 dekabr 2018-ci ildən Azərbaycan İlahiyyat İnstitutunun Himayəçilər Şurasının üzvü olub.