ABŞ Rusiya və Çini izləmək üçün yeni bazalar quracaq

03:40 19-07-2021 315

ABŞ Böyük Britaniyada yeni kəşfiyyat bazası yaradacaq.

Bu barədə “Sky News” məlumat yayıb.

Məlumata əsasən, yeni bazanın başlıca vəzifəsi ölkənin həyat əhəmiyyətli peyklərinin Rusiya və Çin tərəfindən sıradan çıxarılması cəhdlərini qeydə almaq olacaq.

ABŞ Kosmik Qüvvələrindən bildirilib ki, bazada tətbiq ediləcək yeni texnologiyalar futbol topu ölçüsündəki obyekti 36 min kilometr məsafədən müəyyənləşdirməyə imkan verir.

Yeni radiolokasiya bazalarının Şotlandiya və İngiltərə ilə yanaşı, Texas və Avstraliyada da inşa ediləcəyi qeyd olunub.