Diktator Mussolininin nəvəsi Roma şəhər şurasına seçkiləri qazanıb
04:40 08-10-2021 311
Benito Mussolininin nəvəsi Rakel Mussolini Roma şəhər şurasına seçkiləri qazanıb.
Sağçı siyasi baxışları ilə seçilən İtaliya Qardaşları partiyasının üzvü Rakel ikinci dəfə yerli deputat olacaq. Onun sözlərinə görə, insanlar əvvəllər yalnız babasının dünyaca məşhur soyadına görə onunla maraqlanırdılar, lakin sonradan onun siyasti karyerası da uğur qazanmağa başlayıb.
Benito Mussolini, İtaliya Milli Faşist Partiyasının lideri və diktator idi.
O, 1945-ci ilin aprel ayının sonunda məşuqəsi Klara Petaççi ilə birlikdə partizan Valter Audizio tərəfindən güllələnib.
