20 Yanvar faciəsinə həsr olunmuş Yunan Roma  güləş yarışı keçirilmişdir

10:35 23-01-2022 243

          19 yanvar 2022-ci il tarixdə Beyləqan rayon Olimpiya İdman Kompleksində Beyləqan rayon Uşaq Gənclər İdman Şahmat Məktəbiinin  təşkilatçılığı ilə 20 Yanvar faciəsinə həsr olunmuş  Yunan Roma güləş üzrə Beyləqan rayon açıq birinciliyi keçirilmişdi. Yarışlara  Beyləqan rayon Uşaq Gənclər İdman Şahmat Məktəbinin və Beyləqan rayon Olimpiya İdman Kompleksinin güləşçiləri qatılmışlar.

Əvvəlcə  20 Yanvar və  Qarabağ müharibəsində şəhid olan soydaşlarımızın xatirəsi bir dəqiqəlik sükutla yad edildi.Yarışda çıxış edən Beyləqan rayon Uşaq Gənclər İdman Şahmat Məktəbinin direktoru  Misir Xudaverdiyev çıxış edərək 20 Yanvar faciəsindən danışdı.Vətənimizin azadlığı, suverenliyi uğurunda canlarını qurban verən  şəhidlərimizin xatirəsinin əbədi olaraq  xalqımızın yaddaşında yaşayacağını bildirdi. Bu qanlı  20 yanvar faciəsinə ilk dəfə olaraq  xalqımızın ümummilli lideri Heydər Əliyevin  hüquqi-siyasi  qiymət verməsindən danışdı. Bildirdi ki,  bu qanlı faciyənin səhərisi gün  ümummilli lider Heydər Əliyev Moskovadakı Azərbaycan səfirliyinin qarşısına gələrək,  həyatını təhlükəyə ataraq çıxış edərək Azərbaycanda  törədilən faciəni bütün dünyaya  çatdırmışdır.

Sonra Misir Xudaverdiyev Beyləqan idmançılarının uğurlarından söz açdı. Bildirdi ki, belə yarışların keçirilməsi uşaq və gənclərdə vətənpərvərlik təbliğinə böyük təsir göstərir. Müstəqilliyimizin başlanğcına gedən yolda   şəhid olan soydaşlarımızın xatirəsinə keçirilən yarışda idmançılara uğurlar arzuladı. Sonra yarışlara start verildi. Gərgin mübarizə şəraitində keçən yarışın qalibləri Beyləqan rayon Uşaq Gənclər İdman Şahmat Mıktəbinin diplomları ilə mükafatlandırıldı.