XOCALI QAN YADDAŞIMIZ

20:53 05-03-2022 107

   25 feval  2022-ci il tarixdə  Beyləqan rayonunda fəaliyyət göstərən Heydər Əliyev Mərkəzində Xocalı faciəsinin 30-cu il dönümünə həsr olunmuş tədbir  keçirilmişdir. Beyləqan rayon Gənclər və İdman İdarəsinin, Rayon Təhsil Şöbəsinin və Heydər Əliyev Mərkəzinin  birgə təşkilatçılığı ilə  keçirilən tədbirdə rayon Gənclər İdarəsinin  rəisi Sənan Quliyev, Heydər Əliyev Mərkəzinin direktoru Xəyalə Kərimova, rayon Təhsil Şöbəsinin   məsul işçisi Anar Yaqubov, ATİAHİ Beyləqan rayon komitəsinin sədri Tahir Həsənov, qonaqlar, məktəblilər,mətbuat işçiləri, müəllimlər iştirak etmişlər.

Əvvəlcə tədbir iştirakçıları Soyqrım abidə kompleksinin önünə  gül- çiçək düzərək  Xocalı  soyqrımı  qurbanlarının xatirəsini ehtiramla yad etdilər. Sonra tədbir yuxarıda adı çəkilən məkanda davam etmişdir.Əvvəlcə  Azərbaycan Respublikasının Dövlət Himni səsləndirildi.

Qarabağ və ətraf rayonların azadlığı uğurunda qəhrəmancasına  şəhidlik zirvəsinə ucalan şəhidlərin və Xocalı şəhidlərinin xatirəsi bir dəqiqəlik sükutla  yad edildi.

Tədbirdə Beyləqan rayon Gənclər və İdman İdarəsinin rəisi S.Quliyev  Xocalı

faciəsindən ətraflı  bəhs etdi. Bildirdi ki, Xocalı faciəsinin 30 illiyi ilə bağlı rayonun ümumtəhsil məktəblərində müxtəlif silsilə tədbirlər keçirilib.

Sonra Xocalı faciəsinin 30 illiyi ilə bağlı  rayon məktəbləri arasında inşa, rəsm müsabiqələrinin və basketbol yarışının qalibləri  diplom, qiymətli hədiyyə və medallarla mükafatlandırıldı.

Xəbər lenti