Hava şəraitinə görə, cənub bölgəsinin bəzi kəndlərində elektrik problemi yaranıb
01:40 01-11-2019 603
Havaların kəskin dəyişməsi nəticəsində cənub bölgəsində günün ikinci yarısında intensiv yağışlar səbəbindən Lənkəran şəhərinin mərkəzində 1-ci mikrorayon Zərifə Əliyeva küçəsi 78 ünvanında yerləşən 10,13,14 və 16-cı binalarda elektrik verilişində fasilələr yaranıb.
HerGun.Az-ın bölgə müxbirinin verdiyi məlumata görə, rayonun Separadi kəndində də sakinlər işıqsız qalıb. “Azərişıq” ASC-nin Cənub Regional Enerji Təchizatı və Satışı İdarəsindən aldığımız məlumata görə, hazırda həmin ərazilərdə təmir və bərpa işləri aparılır.
Qeyd edək ki, hazırda qeyri-sabit hava şəraiti höküm sürür.
Rövşən Mövlan
