Bakıda güclü külək ağacları maşınların üstünə aşırdı - FOTO
12:00 04-11-2019 744
Ötən gün paytaxt ərazisində əsən güclü külək nəticəsində çox sayda ağac aşıb.
Bu barədə HerGun.Az-a Bakı Şəhər Yaşıllaşdırma Təsərrüfatı Birliyinin Bitkilərin Mühafizəsi Şöbəsinin rəisi Orxan Məmmədov məlumat verib.
Şöbə rəisi bildirib ki, ağaclardan 15-i kökündən qopub:
“Digərlərinin isə budaqları qırılıb. Ağac aşma hadisələri Nəsimi, Yasamal, Səbail, Nərimanov, Nizami və Binəqədi rayonlarında baş verib”.
Orxan Məmmədov əlavə edib ki, dörd maşının üstünə ağac aşıb:
“Bizdə olan məlumata görə, xəsarət alan olmayıb. Yalnız dörd maşının üstünə ağac düşüb”.
Sevinc Yasinqızı
