Vladimir Zelenskinin bahalı görüşü
00:27 02-07-2019 897
Ukrayna prezidenti Vladimir Zelenski Kanadaya səfərə yollanıb.
“REN.TV” xəbər verir ki, onun görüşlərindən biri ödənişli olacaq.
Belə ki, iyulun 3-nə qədər nəzərdə tutulmuş səfərin son günündə Torontoda keçiriləcək görüş üçün bilet satışı nəzərdə tutulub.
V.Zelenski ilə ünsiyyətdə olmaq istəyənlər bunun qarşlığında qiyməti 89 dollardan 990 dollara qədər olan biletləri əldə etməli olacaqlar.
Qiymətlər yerlərin ümumi zalda və ya masa ətrafında olmasına görə fərqləndirilib.
Qeyd edək ki, ödənişlərin yüksək olmağına baxmayaraq, artıq bütün biletlərin satıldığı bildirilib.
