Tərtərdə minik avtomobili traktora çırpıldı, sərnişin öldü
21:20 11-11-2019 667
Tərtərdə ölümlə nəticələnən yol nəqliyyat hadisəsi baş verib.
HerGun.Az-ın Qarabağ üzrə bölgə müxbirinin verdiyi məlumata görə, hadisə rayonun Qarağacı kəndi ərazisində qeydə alınıb.
Bakı şəhər sakini Rəşid Əlizadə idarə etdiyi “VAZ-21901” markalı avtomobili qarşıda gedən kənd sakini Vüqar Hüseynovun idarə etdiyi “Belarus” markalı traktorun qoşqusuna çırpıb.
Nəticədə “VAZ-21901”in sərnişini, Ağcabədi rayon sakini Səyyarə Məhərrəmova hadisə yerində ölüb.
Faktla bağlı araşdırma aparılır.
