Neftçalada motosikletini minik maşınına vuran şəxs xəstəxanalıq oldu
01:00 16-11-2019 507
Neftçalada minik avtomobili ilə motosiklet toqquşub.
HerGun.Az-ın bölgə müxbirinin məlumatına görə, hadisə şəhər mərkəzində baş verib.
Rayon sakini, 1981-ci il təvəllüdlü Əsədov Taleh Hacıbaba oğlunun idarə etdiyi motosiklet minik avtomobili ilə toqquşub.
Qəza nəticəsində ağır kəllə-beyin travması alan motosikletin sürücüsü Neftçala Rayon Mərkəzi Xəstəxanasına çatdırılıb.
İlk tibbi yardım göstərildikdən sonra yaralı reanimasiya şöbəsinə yerləşdirilib. Vəziyyətinin ağır olduğu bildirilir.
Faktla bağlı araşdırma aparılır.
