İkinci Xəzər İqtisadi Forumu təxirə salındı

14:40 16-12-2019 496

İkinci Xəzər İqtisadi Forumu 2021-ci ildə Həştərxanda keçiriləcək.

HerGun.Az-ın TASS-a istinadən məlumatına görə, bu barədə Moskvada Rusiyanın İqtisadi İnkişaf naziri Maksim Oreşkinin başçılığı ilə keçirilən Təşkilat Komitəsinin iclasında bildirilib.

M.Oreşkin deyib ki, forumun Rusiyada keçirilməsi Xəzəryanı ölkələrlə əməkdaşlığın genişləndirilməsinə kömək edəcək əlamətdar hadisədir.

İkinci Xəzər İqtisadi Forumu iki gün davam edəcək. Forumda iqtisadi, ekoloji və humanitar mövzularda bir neçə müzakirə platforması təşkil olunacaq.

Xatırladaq ki, İkinci Xəzər İqtisadi Forumu 2020-ci ildə Həştərxanda keçiriləcəyi gözlənilirdi. Bu təşəbbüslə 2019-cu ilin avqust ayında Aşqabadda keçirilən Birinci Xəzər İqtisadi Forumunda Rusiya nümayəndə heyəti çıxış etmişdi.

Aqşin Kərimov