Sevgiyənin anası: “Yalvarıram, kömək edin”

15:40 17-01-2020 446

18 yaşlı azərbaycanlı Sevgiyə Sübhani İsmayılovanın ətrafında baş verənləri izləməyə davam edirik. Qeyd edək ki, qızın özünün və dostlarının sözlərinə görə, qeyri-ənənəvi cinsi oriyentasiyası ilə əlaqədar qohumları tərəfindən təzyiq və zorakılığa məruz qalıb.

Media.Az Sevgiyə Sübhani İsmayılovanın anası ilə danışıb. 

“Mən ümidsizliyə qapılmışam, kömək üçün hara müraciət edəcəyimi bilmirəm. Siz anlayırsınız, qızımın psixi problemləri var. Krasnoyarskda o, psixoterapevtdə qeydiyyatda idi, müvafiq dərmanlar qəbul edirdi. Özü bu barədə mənə danışdı, amma indi həkimlərə göstərilmir, dərman qəbul etmir”, - deyə Rəsmiyyə İsmayılova vurğulayıb.

O, heç kimin ona inanmadığı və kömək etmədiyi üçün təəssüfləndiyini bildirib:

“Xahiş edirəm, kömək edin, kimə müraciət etdimsə, mənə qulaq asmır və inanmır. Hər yerdə qızımın yetkin olduğunu, ona görə də özünün qərar vermək hüququ olduğunu deyirlər”. 

Kəsiklər və qançırlar barədə məlumatı şərh edən ana Sevgiyənin özünə xəsarət yetirdiyini açıqlayıb:

“Bunu mütəmadi olaraq edir. Əllərində davamlı kəsiklərdən çapıqlar var. Bıçaqdan tutub özünü kəsmək istədiyi vaxt olub, ancaq vaxtında onu dayandıra bildik. Başqa bir dəfə ölmək istədiyini fəryad edərək pəncərədən tullanmaq istədi. Sevgiyənin psixi problemləri var, ona nə mən, nə də qohumlarım tərəfindən heç bir təzyiq göstərilməyib.

O, Polinanın (cinsi partnyoru - red.) üzvü olduğu müəyyən qrupun təsiri altına düşüb. Sevgiyə onun dediyi hər şeyi edir. Uşağımı xilas etmək istəyirəm, onu Krasnoyarsk şəhərinə buraxmayın”.

Rəsmiyyə İsmayılova onu da əmin etdi ki, qızının bütün sənədləri yerindədir, heç kim onları yandırmayıb:

“Mən onları polisə təhvil verdim. Sevgiyənin Krasnoyarska qayıdacağından və narkotik istifadə etməyə başlayacağından çox qorxuram. Necə dəhşətli bir kampaniyaya düşdüyünü siz görməmisiniz. Azərbaycanda onu bütün bunlardan qoruya biləcəyimə ümid edirdim”.

Media.Az hansı tərəfin həqiqəti söylədiyini bildirməyi öz üzərinə götürməyərək, bunu oxucuların ixtiyarına buraxır. Aşağıda qızın oxuya və baxa bilərsiniz.

Xatırladaq ki, baş verənlər Sevgiyə İsmayılovanın rəfiqəsi Polina Vavilina tərəfindən açıqlanıb. 

Sevgiyə Norilskdə anadan olub və Rusiya vətəndaşlığına malikdir. Krasnoyarskda yaşayır, yerli tibb universitetində oxuyur. İndi o, Bakıda, “Təmiz Dünya” Qadınlara Yardım İctimai Birliyinin sığınacağındadır.

Rusiyanın Azərbaycandakı səfirliyinin sözçüsü Alina Zolotareva öz növbəsində Media.Az-a açıqlamasında bu işin nəzarət altında olduğunu bildirib.

“Səfirlik Sevgiyə və onun qohumları ilə daim təmasdadır. Onun səfirliyin köməyinə ehtiyacı olarsa, mütləq qaydada təmin ediləcək. Bununla yanaşı, Azərbaycanın müvafiq dövlət qurumları ilə də əlaqə saxlayırıq. Vəziyyət həll edildikdən sonra əlavə rəylər verə bilərik”, - deyə mətbuat xidmətindən vurğulanıb.