2019-cu ildə “Bank Respublika”nın xalis faiz mənfəəti 41 milyon manat olub

09:40 29-01-2020 509

Azərbaycanın aparıcı maliyyə qurumlarından biri olan “Bank Respublika” 2019-cu ilin yekunlarına dair maliyyə göstəricilərini açıqlayıb.

Hesabata əsasən, Bank bazarda öz mövqeyini möhkəmləndirərək, bütün əsas maliyyə göstəriciləri üzrə ciddi artım nümayiş etdirib.

Belə ki, hesabata əsasən, 2018-ci ilə nisbətən bankın xalis mənfəəti 10 dəfə artaraq, 20,4 milyon manat, xalis əməliyyat mənfəəti dörd dəfə artaraq, 40,7 milyon manat, xalis faiz gəlirləri isə 68 faiz artaraq, 41,3 milyon manat təşkil edib.

1 yanvar 2020-ci il tarixinə bankın aktivləri 1,4 milyard manatdan çox olub ki, bu da ötən ilin eyni dövrü ilə müqayisədə 44 faiz çoxdur. Bundan əlavə, bankın məcmu kapitalı 49 faiz, depozit portfeli 54 faiz, kredit portfeli isə 41 faiz artıb.

“2019-cu ildə bank bütün sahələr üzrə ciddi artım nümayiş etdirərək dinamik inkişaf etməyə davam etdirərək, iqtisadiyyatın real sektoruna xidmət istiqamətində seçdiyimiz biznes modelinin dayanıqlığını bir daha təsdiqləmişdir.

Bank məhsul və xidmətlərin davamlı olaraq təkmilləşdirilməsi, müştəri xidmətinin keyfiyyətinin yüksəldilməsi, yeni rəqəmsal həllərin yaradılması və inkişafı sayəsində yüksək nəticələr əldə edə bilib.

Hesabat ili ərzində biz bankın müştəri bazasını əhəmiyyətli dərəcədə genişləndirməklə yanaşı, xüsusən mikro, kiçik və orta sahibkarlıq seqmentləri olmaqla ümumi kredit portfelini də artırdıq.

Yüksək maliyyə nəticələri beynəlxalq maliyyə qurumları tərəfindən də qeyd edilib.

Uzun fasilədən sonra üç böyük maliyyə təşkilatı (FMO, IFC və EBRD) “Bank Respublika” ilə kredit müqavilələri bağlayaraq Azərbaycan bazarına qayıdıb. Eyni zamanda, Moodys beynəlxalq reytinq agentliyi “Bank Respublika”nın reytinqini “Pozitiv” proqnozu ilə “B3” dərəcəsinə qaldırıb.  

İstərdim bütün bizim komandamıza, müştərilərimizə və tərəfdaşlarımıza bu nəticəni əldə etməkdə göstərdikləri əməkdaşlığa və verdikləri töhfəyə görə təşəkkür edəm! Biz öz işimizlə, yüksək keyfiyyətli xidmətimizlə və maraqlı təkliflərimizlə göstərilən etimadı doğruldaraq gələcəkdə də dinamik inkişafımızı davam etdirəcəyik”, - deyə “Bank Respublika”nın Müşahidə Şurasının sədri Şakir Rəhimov qeyd edib.

Daha ətraflı məlumatı bankın rəsmi internet saytında, “Facebook” səhifəsində və ya 144 nömrəsinə zəng edərək əldə edə bilərsiniz.