Son sutka ərzində Çindən kənarda koronavirusa mindən artıq insan yoluxub
05:20 29-02-2020 376
Ümumdünya Səhiyyə Təşkilatı (ÜST) son sutka ərzində Çindən kənarda koronavirusa mindən çox yoluxma halını qeydə alıb.
Təşkilatın saytında bildirilir ki, son sutka ərzində 51 ölkədə koronavirusa 1027 yeni yoluxma halı qeydə alınıb, beləliklə də xəstələnənlərin sayı 4 691 nəfərə çatıb. 67 nəfərin isə öldüyü bildirilir.
Son məlumatlara əsasən, Çində yeni koronavirusa yoluxanların sayı 78 961 nəfər təşkil edir, 2 791 nəfər isə bu xəstəlikdən ölüb. Bütün dünyada yeni virusa yoluxanların ümumi sayı 83 652 nəfərdir.
