Meqan Markl kinoya qayıdır

12:40 02-03-2020 59

38 yaşlı Meqan Markl karyerasını bərpa etmək qərarına gəlib.

Bu barədə “The Sun” xəbər yayıb.

Sasseks hersoqinyası artıq “Disney”lə müqavilə bağlayıb. Yeni razılığa əsasən o, cizgi film qəhrəmanlarını səsləndirəcək. Ancaq bu, ona az gəlib.

“Meqan kinoya qayıtmaq barədə qəti qərara gəlib. O, superqəhrəmanlar barədə filmdəki rolla bunu etmək niyyətindədir”, - deyə Marklın agenti Nik Kollinz bildirib.

Böyük Britaniya kraliçasının gəlininin Hollivudda artıq bir neçə görüşü planlaşdırılıb. Şahzadə Harrinin xanımı aktrisa kimi ulduz olmadığını bilir, ancaq titrlərdə adının keçməsi artıq layihəyə məşhurluq gətirə bilər.