“Arsenal”da ciddi itki: Aparıcı futbolçu mövsümü erkən bitirdi
18:40 09-03-2020 500
İngiltərənin “Arsenal” klubunun futbolçusu Lukas Toreyra zədələnmə ucbatından uzun müddətə sıradan çıxıb.
HerGun.Az xəbər verir ki, “Portsmut”la kubok qarşılaşmasında zədələnən uruqvaylı mərkəz yarımmüdafiəçisi tibbi müayinədən keçib.
Sağ topuq nahiyəsində qırıq aşkarlanan 24 yaşlı oyunçunun ən azı 8-10 həftə yaşıl meydanlardan uzaq qalacağı açıqlanıb. Onun mayın 10-da sıraya dönəcəyi gözlənilir. Bu isə o deməkdir ki, Toreyra üçün mövsüm başa çatıb.
Qeyd edək ki, “Arsenal”ın 2:0 qalib gəldiyi həmin matçda Lukas Toreyra 16-cı dəqiqədə ispaniyalı Dani Sebalyosla əvəzlənmişdi. Onu meydandan xərəklə aparmışdılar.
Qeyd edək ki, “Arsenal”da hazırda Kalum Çambers, Sead Kolaşinats, Şkodran Mustafi və Sedrik Suares də zədəlidir.
Səbuhi Musayev
