Fransalı həkimlərin irqçi təklifi rədd edildi

22:40 07-04-2020 338

Ümumdünya Səhiyyə Təşkilatı (ÜST) fransalı həkimlərin koronavirus əleyhinə vaksini Afrikada sınaqdan keçirmək təklifini irqçilik kimi qiymətləndirib.

Xəbər ORF Avstriya radio verilişləri yayım şirkəti tərəfindən dərc edilib.

Ümumdünya Səhiyyə Təşkilatının baş direktoru Tedros Adanom Qebreisus bildirib ki, belə irqçi fikirlər müsbət nəticələrə gətirib çıxara bilməz və dünyanın həmrəylik ruhuna ziddir.

Efiopiyanın sabiq səhiyyə naziri fransalı alimlərin təklifini “müstəmləkə mentalitetinin qalığı” adlandırıb.

Qeyd edək ki, Fransanın nüfuzlu həkimləri LCI telekanalında koronavirusla bağlı müzakirə zamanı koronavirus peyvəndinin və dərmanlarının Afrikada sınaqdan keçirilməsini təklif ediblər.