Bakıda klinikadan seyf oğurlandı

16:20 15-04-2020 501

Bakının Yasamal rayonu, Lev Tolstoy küçəsində yerləşən stomotoloji klinikanın rəhbərliyi aprelin 6-dan 14-dək olan müddətdə tibb müəssisəsindən oğurluq edildiyini aşkarlayıb.

Bu barədə HerGun.Az-a hüquq-mühafizə orqanlarından məlumat daxil olub.

Klinikanın rəhbəri T.Abdullayev aprelin 14-də polisə müraciət edərək, naməlum şəxslərin qapının açarını əldə edərək, tibb müəsisəsinə daxil olduqlarını və seyfi oğurladıqlarını deyib.

Xoşbəxtlikdən seyf boş olub. Lakin oğrular bunu seyfi açandan sonra biliblər.

Faktla bağlı tutulan yoxdur. Yasamal rayon 26-cı Polis Bölməsinin əməkdaşları tərəfindən araşdırma aparılır.

Qeyd edək ki, ötən gün ərzində törədilən 23 oğurluq faktının üçünün, daha əvvəl törədilənlərdən isə dördünün üstü açılıb.

Ramella İbrahimxəlilova