Millimizin futbolçusunun oynadığı komandada koronavirus tapıldı

18:40 05-05-2020 33

Millimizin üzvü Dmitri Nəzərovun çıxış etdiyi Almaniyanın “Ertsqebirqe” klubunun futbolçuları və rəsmiləri karantinə alınıb.

HerGun.Az xəbər verir ki, buna ikinci Bundesliqa təmsilçisində bir nəfərin ikinci koronavirus testinin müsbət çıxması səbəb olub. Həmin şəxsin adı açıqlanmayıb.

Klubun üzvlərinin mayın 7-nə kimi ev şəraitində karantində olacağı bildirilib.

Qeyd edək ki, mayın 1-də Dmitri Nəzərovun testinin müsbət çıxdığı açıqlanmışdı.

Səbuhi Musayev