Qazaxstanda latın əlifbasına keçid daha 10 il uzana bilər
05:27 16-07-2019 605
Qazaxstanda latın əlifbasına keçid dövlət başçısının müəyyən etdiyi vaxtdan daha 10 il uzana bilər.
Ölkənin diplomatik dairələrindən “İzvestiya” qazetinə bildiriblər ki, tam keçid 2030-35-ci illərə kimi davam edə bilər.
Qazaxstanın xarici işlər nazirinin müavini Roman Vasilenko latın əlifbasına keçidin zərurətindən danışaraq bunun beynəlxalq içtimayyətə inteqrasiyası üçün edildiyini açıqlayıb. O həmçinin bildirib ki, latın əlifbasına keçid ölkədə rus dilinin statusuna heç bir təsir göstərməyəcək.
Hökumətin əvvəlki planlarına əsasən, 2021-ci ilə kimi kirill qrafikası pasportlardan yox olmalıdır, 2024 ilə qədər isə dövlət orqanlarının sənəd mübadiləsi tam latın qrafikasına keçməli idi.