Hitlerin anadan olduğu ev polis bölməsi kimi fəaliyyət göstərəcək - FOTO

10:00 03-06-2020 331

Adolf Hitlerin anadan olduğu, Avstriyanın Braunau şəhərində yerləşən ev polis bölməsi kimi fəaliyyət göstərəcək.

Bu barədə Almaniyanın “Südthüringen Kurier” qəzeti Avstriyanın Daxili İşlər Nazirliyinə istinadən xəbər yayıb.

Qeyd olunur ki, nasist liderin evində yenidənqurma işlərini tenderdə qalib gələn Avstriyanın “Marte” inşaat şirkəti aparacaq.

Yenidənqurmanın 2022-ci ilə qədər başa çatacağı gözlənilir. Təmir-bərpa işlərinin beş milyon avroya başa gələcəyi bildirilir.