Avtomobil “güllə yağışına” tutuldu: Ölən və yaralananlar var
07:40 22-06-2020 472
Türkiyədə - Kütahyanın Gediz rayonunda bir avtomobilə silahlı hücum nəticəsində bir nəfər ölüb, iki nəfər yaralanıb.
Bununla bağlı “Hürriyet” məlumat yayıb.
Hadisənin intiqam məqsədilə törədildiyi ehtimal edilir.
Belə ki, hadisənin şübhəlilərindən olan İrfan M.-nin oğlu keçən il bıçaqla öldürülüb.
İsmayıl İgidərin idarə etdiyi avtomobilə hücum zamanı maşında sürücünün arvadı Xədicə və qızı Həmidə də olub.
Maşın beş nəfərin silahlı hücumuna məruz qalıb.
Çarpaz atəşə məruz qalan maşında olanlardan İsmayıl İgidər ölüb, arvadı və qızının vəziyyəti ağır olaraq qalır.
