Xətaidə motosikletçi qəza nəticəsində xəsarət alıb
07:40 28-06-2020 349
Bakının Xətai rayonunda baş vermiş yol-nəqliyyat hadisəsi zamanı bir nəfər xəsarət alıb.
“Report” xəbər verir ki, hadisə Gəncə prospektində qeydə alınıb.
Belə ki, yol qəzası nəticəsində motosikletin sürücüsü, 1996-cı il təvəllüdlü Qurbanov Kamal Amil oğlu müxtəlif dərəcəli bədən xəsarətləri alıb.
Yaralı təcili yardımın köməkliyi ilə 3 saylı Şəhər Klinik Xəstəxanasına çatdırılıb.
Faktla bağlı araşdırma aparılır.
