“Sundays with Unity” turnirində Azərbaycanı altı şahmatçı təmsil edəcək
15:00 26-07-2020 515
İyulun 26-da “Unity Chess Club”un təşkilatçılığı ilə keçiriləcək blits üzrə onlayn “Sundays with Unity” turnirində Azərbaycanın altı şahmatçısı iştirak edəcək.
AZƏRTAC xəbər verir ki, “Lichess.org” platforması vasitəsilə keçiriləcək yarışlarda ölkəmizi Vüqar Rəsulov, Məhəmməd Muradlı, Gülnar Məmmədova, Türkan və Zeynəb Məmmədyarovalar, Elnur Mehtiyev təmsil edəcəklər. Turnirə 536 şahmatçı qatılacaq ki, onlardan da 60-ı qrossmeysterdir.
Yarışın reytinq favoriti rusiyalı şahmatçı Boris Qraçyevdir (2695).
