Qarabağ qazisi avtomobil qəzasında öldü
09:20 03-08-2020 368
Biləsuvar rayonunda ağır yol-nəqliyyat hadisəsi baş verib.
Report-un məlumatına görə, hadisə Biləsuvar rayonunun ərazisində qeydə alınıb.
Belə ki, rayon sakini, 1969-ci il təvəllüdlü Qədir Əsəd oğlu Musayev idarə etdiyi “NAZ Lifan” markalı minik avtomobilini aşırıb. Qəza nəticəsində sürücü həyatını itirib.
Qeyd edək ki, Q.Musayev Qarabağ qazisidir və Birinci Qarabağ savaşında Biləsuvar könüllülərindən ibarət batalyonunun komandiri olub.
Faktla bağlı araşdırma aparılır.
