Pitbulların hücum etdiyi turistə 40 tikiş vuruldu

05:00 16-09-2020 434

Türkiyənin Antalya şəhərindəki hotellərdən birində turist iki pitbulun hücumuna məruz qalıb.

Bu barədə “Haber7” məlumat yayıb.

Qeyd olunur ki, adəti üzrə xüsusi qəfəsdə saxlanılmalı olan itlər hotelin həyətinə gəzməyə çıxan 39 yaşlı kişinin qarşına çaxaraq ona hücum ediblər.

Turist təxminən 10 dəqiqə ərzində vəhşi itlərə qarşı mübarizə aparmalı olub və nəticədə qollarından, ayaqlarından və qarnından çoxsaylı xəsarətlər alıb.

Həkimlər turistə 40-dan çox tikiş qoyublar. Məlum olub ki, itlər hotel sahibinə məxsusdur. O, məhkəmə qarşısına çıxarılacaq.