Bayraqdarımız uduzmasından danışdı: Öz səhvimdən oldu
15:27 26-07-2019 435
Bu rəqibimlə heç vaxt güləşməmişdim. Öz səhvimdən uduzdum. İnşallah, gələn dəfə belə səhv etməməyə çalışacağam.
Bunu HerGun.Az-a Azərbaycanı Avropa Gənclər Olimpiya Festivalının (EYOF) cüdo yarışlarında 73 kiloqram çəki dərəcəsində təmsil edən Vüqar Talıbov deyib.
EYOF-un açılış mərasimində bayrağımızı daşımış, Yeniyetmələrin Olimpiya Oyunlarının qalibi olmuş V.Talıbov finalda italiyalı Luici Sentraççioya ipponla uduzub.
İdmançımız 25-28 sentyabrda Qazaxıstanın Almatı şəhərində keçiriləcək yeniyetmələrin dünya çempionatında təkrar səhv etməyəcəyini bildirib:
“Azarkeşlərə də təşəkkür edirəm ki, məni dəstəklədilər. Amma onları məyus etdim”.
Səbuhi Musayev