Rusiyada 32 təqaüdçü qadını öldürən şəxs həbs edildi

01:00 02-12-2020 314

Rusiya Federasiyasının Tatarıstan Respublikasında silsilə cinayətlər törədən şəxs həbs edilib.

Vesti.ru xəbər verir ki, 38 yaşlı Radik Tahirov dörd il axtarışda olub.

İlkin məumatlara görə, o ilk cinayəti 2011-ci ildə törədib. O zaman bir neçə ay ərzində səkkiz təqaüdçü qadın öldürülüb. Cinayətkarın əlindən bir qadın canını qurtarsa da, kor olduğu üçün həmin şəxsin fotorobotunu çıxarmağa kömək edə bilməyib.

Tahirov qurbanlarını eyni ssenari üzrə qətlə yetirib: Mənzil İstismar İdarəsinin əməkdaşı kimi evə girir, arxası ona olan təqaüdçünü boğub öldürür, pulları və qiymətli əşyaları götürüb gedir.

Qeyd edilir ki, onun qurbanlarının sayı 32-yə qədər olub.