SOCAR 2030-cu illədək iqlim dəyişməsinə təsirinin azaldılması üzrə sənəd hazırlayır

15:20 04-12-2020 398

Hazırda SOCAR-ın 2021-2030-cu illəri əhatə edən “İqlim Dəyişmələrinə Təsirin Azaldılması Üzrə Strategiyası” sənədinin hazırlanmasına başlanılıb.

Bu barədə Dövlət Neft Şirkətinin “Davamlı İnkişaf - 2019” hesabatında məlumat verilib.

Bildirilib ki, Azərbaycan Respublikası qlobal iqlim dəyişmələrinin qarşısının alınması təşəbbüslərinə özünün töhfəsi olaraq 1990-cı baza ili ilə müqayisədə 2030-cu ilə istilik effekti yaradan qazların emissiyalarının səviyyəsində 35 faiz azalmanı hədəf kimi götürüb və SOCAR bu sahədə ölkəmizin tərəfdaş çıxdığı BMT-nin “İqlim Dəyişmələri Haqqında Çərçivə Konvensiyasının Paris İqlim Sazişi çərçivəsində ölkəmizə aid müvafiq öhdəlikləri yerinə yetirməkdədir.

Ölkə tərəfindən müəyyən olunmuş hədəflərin nail olunmasına töhfə verəcək SOCAR-ın “2020-ci ilə qədər İqlim Dəyişmələrinə Təsirin Azaldılması Üzrə Strategiyası” da mövcuddur. 

Nigar Məmmədova