Türkiyədəki qadağadan sonra “Bitcoin” ucuzlaşdı

23:40 16-04-2021 302

Türkiyə Mərkəzi Bankının kriptovalyutalarla mal və xidmətlərin ödənişlərinə qadağa qoymasından sonra “Bitcoin” ucuzlaşıb.

Bu barədə “The Wall Street Journal” yazıb.

Tənzimləyiciyə görə, aktivlərə nəzarət edə bilməmək təhlükəsizlik riskləri və potensial zərərlər yaradır.

16 apreldə gecə saatlarından “Bitcoin”in qiyməti 63,8 min dollara olub. Ancaq Türkiyədə kriptovalyuta ödənişlərinə qoyulan qadağa fonunda kəskin şəkildə enməyə başlayıb.

Kriptovalyuta kotirovkaları, daha doğrusu onun digər valyutalarla müqayisədə dəyəri 61 min dollara düşüb, son bir gündə “Bitcoin” 3 % ucuzlaşıb.