İngiltərədə nikah haqqında şəhadətnamədə ana adı da qeyd ediləcək
03:40 06-05-2021 435
İngiltərə və Uelsdə nikah haqqında şəhadətnamədə bundan sonra cütlüyün təkcə ata adı deyil, ana adı da qeyd ediləcək.
Bu barədə “Haber Global” Britaniya Daxili İşlər Nazirliyinə istinadla xəbər yayıb.
Bildirilir ki, evlənənlərin ana və ata adlarının qeyd olunması uzun illər davam edən “tarixi anomaliyanı düzəltməlidir”.
O da vurğulanır ki, əvvəllər qeydiyyat idarələri, kilsələr və digər dini müəssisələrdə cütlüklərin imzaladığı nikah şəhadətnamələrini elektron reyester əvəzləyəcək.
Bunun vaxt və pulun qənaətinə gətirəcəyi, həmçinin daha təhlükəsiz olduğu düşünülür.
“Evlilik Qanununa edilən bu dəyişikliklər, 1837-ci ildən bəri nikah qeydiyyatı sistemindəki ən böyük dəyişiklikdir”, - deyə DİN-dən vurğulanıb.
