Yaşlılar üçün yaradılan “YAŞA” mərkəzinin fəaliyyəti davam edir - FOTO
Heydər Əliyev Fondunun “Regional İnkişaf” İctimai Birliyinin (RİİB) elan etdiyi “Sosial layihələr” müsabiqəsinin qaliblərindən olan “Üçüncü Bahar” layihəsi çərçivəsində 2021-ci ilin fevral ayında Şamaxı şəhərində yaradılan “YAŞA” mərkəzinin fəaliyyəti davam edir.
Cari ilin may ayı ərzində mərkəzdə mobil telefondan istifadə üzrə təlimlər, şahmat, vitraj və rəsm dərnəkləri, poeziya saatı keçirilib və Şamaxı rayonunda yerləşən “Yaşıl göl” ərazisinə ekskursiya təşkil edilib. Mərkəzdə yaşlılar üçün yaradılan imkanlardan, ümumilikdə 74 nəfər yararlanıb.
Qeyd edək ki, “YAŞA” mərkəzində maarifləndirmə, sağlamlıq, yaradıcılıq istiqamətlərində təlim və tədbirlər həyata keçirilir. Mərkəzin fəaliyyəti barədə 020 265 05 07 və ya 055 516 50 02 nömrələri ilə əlaqə saxlamaqla əlavə məlumat əldə edə bilərsiniz.
