Oğuzda minik və yük avtomobilləri toqquşdu, xəsarət alan var
13:20 13-06-2021 346
Oğuz rayonunda xəsarətlə nəticələnən yol-nəqliyyat hadisə baş verib.
“Report” xəbər verir ki, hadisə Qarabulaq-Böyük Söyüdlü avtomobil yolunda qeydə alınıb.
Qarabulaq kənd sakini, 1996-cı il təvəllüdlü Qadir Şirin oğlu Babayevin idarə etdiyi “VAZ-21015” markalı avtomobillə “QAZ-53” markalı yük avtomobili toqquşub.
Nəticədə 25 yaşlı Q.Babayev müxtəlif dərəcəli bədən xəsarətləri alıb. Yaralı Oğuz Rayon Mərkəzi Xəstəxanasına çatdırılıb.
Faktla bağlı araşdırma aparılır.
