Alman futbolçuları ildırım vurdu

23:18 10-08-2019 687

Alman şəhəri Rozenfeld-Hayligensimmerndə yerləşən idman meydançasının yaxınlığında 15 futbolçunu ildırım vurub.

İldırım vurması nəticəsində xəsarət alan idmançılar 19-48 yaşlarında olublar.

Şahidlərin sözlərinə görə, hadisə məşq zamanı baş verib. Futbolçulardan biri hətta huşunu itirib.

Xəsarət alan idmançılar xəstəxanaya yerləşdiriliblər.

Kəskin hava şəraitinə görə “Zandhauzen” və “Borussiya Menhenqladbax” klubları arasında keçiriləcək oyun da təxirə salınıb.

Güclü tufan həmçinin stadionun projektorlarını da sıradan çıxarıb. Təşkilatçılar azarkeşlərdən təhlükəsiz yerlərə çəkilməyi xahiş ediblər.