Sığınacaq üçün müraciət olunan Aİ ölkələrinin reytinqi açıqlanıb

15:40 18-07-2021 382

Bu və ya digər səbəblərdən xarici vətəndaşların sığınacaq üçün müraciət etdikləri Avropa İttifaqı ölkələrinin reytinqi açıqlanıb.

Bu barədə Almaniyanın “Welt am Sonntag” nəşri məlumat yayıb

Məlumatda müvafiq Aİ qurumunun hesabatına əsasən, siyahıda ilk pilləni məhz bu ölkənin tutduğu bildirilib.

Qeyd olunub ki, bu ilin ilk yarısında Aİ ölkələri, eləcə də Norveç və İsveçrədə sığınacaq almaq üçün 194 008 müraciət daxil olub ki, onlardan 47 231-i Almaniyanın payına düşür. Müraciət edənlərin 36%-i Suriya, 18%-i Əfqanıstan, 6.6%-i isə İraq vətəndaşlarıdır.

Almaniyadan sonra siyahıda növbəti yerləri Fransa, İspaniya və İtaliya tutur. Sonuncu pillələri isə Macarıstan, Estoniya və Latviya bölüşür.