Bütün karateçilərimizin Olimpiadadakı rəqibləri bilindi - YENİLƏNİB
Dünya və Avropa çempionumuz İrina Zaretskayanın (+61 kq) da rəqibləri bəlli olub. O, B qrupunda Məltəm Hocaoğlu (Türkiyə), Sofiya Berultseva (Qazaxıstan), Ayumi Uekusa (Yaponiya) və Silvia Semeraro (İtaliya) ilə qarşılaşacaq. Onun görüşləri də avqustun 7-də baş tutacaq.
Üçüncü karateçimiz Firdovsi Fərzəliyev isə Eray Şamdan (Türkiyə), Darxan Assadılov (Qazaxıstan), Əli Əl Savi (Misir) və Naoto Saqo (Yaponiya) ilə görüşəcək. Firdovsi avqustun 5-də mübarizə aparacaq.
13:24
Azərbaycanlı karateçi Rafael Ağayevin Tokio Olimpiadasındakı rəqibləri müəyyənləşib.
HerGun.Az-ın xəbərinə görə, beşqat dünya və onbirqat Avropa çempionumuz 75 kq çəki dərəcəsində B qrupunda mübarizə aparacaq.
Onun rəqibləri Luici Buza (İtaliya), Noa Biç (Almaniya), Suneari Yahiro (Avstraliya) və Nurqanad Ajikanovdur (Qazaxıstan). Görüşlər avqustun 6-da baş tutacaq.
Qeyd edək ki, qrupda ilk iki sıranı tutan idmançı yarımfinala vəsiqə qazanır və özünə bürünc medalı avtomatik təmin edir.
Səbuhi Musayev
